خدمات المطار
خدمات الإقامة
بطاقة هدية
فرص
احصل على الإلهام
الوجهات الشعبية
معلومات الرحلة
مركز الدعم
BOLBOL
ما هي المزايا؟
البحث عن رحلات طيران بأسعار معقولة إلى (STN) الرحلات إلى لندن تقريبًا
السعر الإجمالي المقدر لمسافر واحد بالغ:
اختر مواعيد بتكلفة أقل
توقعات الأحوال الجوية
Yakındaki Şehirler
(MAN) الرحلات إلى مانشستر
ليه تسافر مع بيجاسوس؟
● دايمًا هتلاقي أرخص الأسعار
● من أصغر وأحدث أساطيل الطيران في العالم
● باقات مرنة تقدر تختار منها اللي يناسبك
● شبكة رحلات كبيرة بتغطي وجهات كتير
● إلغاء مجاني خلال أول 24 ساعة من الحجز
اكتشف لندن مع طيران بيجاسوس
لندن مش بس عاصمة بريطانيا، دي مدينة عالمية بتجمع بين التاريخ العريق والحياة العصرية. من ساعة بيج بن الشهيرة وعراقة قصر باكنجهام، لحد شوارع أوكسفورد وستريت المليانة تسوق، وأسواق كامدن اللي بتعكس الروح الشبابية… لندن مدينة فيها كل الأذواق. هتلاقي فن، مسارح، متاحف مجانية، مطاعم من كل مطابخ العالم، وحياة ليلية نابضة. ولو بتحب المناظر الطبيعية، نهر التايمز وحدائق هايد بارك هيدوك أجواء هادية وسط النشاط المستمر. لو نفسك في مغامرة أوروبية كاملة فيها تاريخ، تسوق، طبيعة، وفن، يبقى لندن هي الوجهة المثالية. ومع بيجاسوس، الطريق ليها أسهل مما تتخيل.
طيران بيجاسوس بيقدملك رحلات مريحة وبأسعار مناسبة للندن. تقدر تسافر من مدن كتير في الشرق الأوسط زي دبي (DXB)، الرياض (RUH)، جدة (JED)، والقاهرة (CAI) عن طريق إسطنبول (SAW)، ومنها على لندن (STN). مدة الرحلة من الشرق الأوسط لإسطنبول حوالي 4 ساعات، وبعدها من إسطنبول للندن حوالي 4 ساعات كمان. الرحلات متوفرة على مدار الأسبوع بمرونة كبيرة في المواعيد، يعني سواء مسافر سياحة أو شغل، هتلاقي اللي يناسب جدولك. ومع سهولة الحجز أونلاين وخدمات بيجاسوس العملية، رحلتك للعاصمة البريطانية هتكون بداية لتجربة ما تتنسيش. احجز دلوقتي وخلي لندن محطتك الجاية!
ليه تسافر لندن؟
لندن مش مجرد عاصمة زي أي عاصمة، دي مدينة ليها طابع مفيش زيه، كأنها فيلم تاريخي متصور في زمن عصري. فيها لمسة ملكية في كل حتة، من أول قصر باكنجهام لحد تغيير الحرس، وتحس دايمًا إنك ماشي في متحف مفتوح بيحكي حكايات عن الملوك، الحروب، والعصر الفيكتوري. وفي نفس الوقت، هي مدينة عايشة اللحظة… مترو بيعدي تحتك، ناطحات سحاب حواليك، شباب لابسين موضة السنة الجاية، وكافيهات فيها ناس من كل جنسية، بيكلموا لغات من كل مكان في العالم.
ومن أهم الأسباب اللي تخليك تختارها:
● تاريخ ومعالم: بيج بن، قصر باكنجهام، وبرج لندن.
● فن وثقافة: مسارح ويست إند والمتاحف المجانية.
● تسوق عالمي: أوكسفورد ستريت وأسواق كامدن.
● طبيعة ونهر: هايد بارك ونهر التايمز.
المواصلات في لندن
المواصلات في لندن من أكتر الحاجات اللي بتميزها كمدينة عالمية. شبكة المترو (Underground أو "Tube") بتعتبر أقدم وأوسع شبكة في العالم، وبتغطي معظم أحياء ومعالم المدينة. غير المترو، عندك الباصات الحمراء الشهيرة، الترام، القطارات المحلية، وحتى العجل الكهربائي للتأجير اللي تلاقيه في كل شارع تقريبًا. التنقل في لندن مريح جدًا، وسهل لأي زائر حتى لو أول مرة.
إزاي تتحرك من مطار ستانستد (STN) لقلب لندن؟
مطار ستانستد (STN) بيبعد حوالي 64 كم عن وسط لندن، لكن الوصول منه للمدينة سهل جدًا. ممكن تختار قطار Stansted Express وهو أسرع وسيلة، بيربط المطار بمحطة Liverpool Street في قلب لندن. الرحلة بتاخد حوالي 45 دقيقة، والقطارات بتطلع كل ربع ساعة تقريبًا. أو الأوتوبيسات وهي اختيار اقتصادي وأرخص من القطار. بيوصلوا لمحطات رئيسية زي Victoria وLiverpool Street في حوالي ساعة ونص.
المواصلات العامة في لندن
المترو (Tube) هو الوسيلة الأسرع والأكتر استخدامًا، فيه 11 خط بتربط معظم مناطق لندن. الباصات الحمراء جزء من هوية المدينة وبتغطي شوارع مش واصلها المترو. الترام والقطارات المحلية (Overground) بتوصل الضواحي والمناطق البعيدة. الدفع بيكون عن طريق كارت Oyster Card أو البطاقات البنكية اللاتلامسية، وده أسهل وأوفر طريقة للتنقل. بس المترو مش كل حاجة! عندك كمان الأتوبيسات الحمرا الشهيرة بدورين، اللي بتديك جولة بانورامية وانت بتتنقّل. لو طلعت فوق وقعدت قدام، هتحس إنك بتتفرج على المدينة من قلب فيلم.
تأجير العربيات في لندن
لو بتفكر تأجّر عربية في لندن، لازم تاخد في بالك شوية حاجات. أولًا، تأجير العربيات متوفر في كل المطارات ومحطات القطر الرئيسية، وكمان أونلاين. الأسعار بتبدأ من حوالي 35 لـ50 جنيه إسترليني في اليوم للعربيات الصغيرة، بس ده من غير البنزين والتأمين الإضافي. بس قبل ما تحجز، اسأل نفسك: هل فعلًا هتحتاج عربية؟ لأن القيادة في لندن مش سهلة، والزحمة مشهورة، وفيه رسوم اسمها “Congestion Charge” بتدفعها لو دخلت وسط المدينة بالعربية (حوالي 15 جنيه في اليوم). كمان الباركنج صعب وغالي. لو ناوي تطلع بيها برّه لندن وتزور مدن تانية أو الريف الإنجليزي، ساعاتها العربية هتكون عملية ومريحة، خصوصًا لو عددكم كبير أو معاكم شنط كتير. بس جوه المدينة نفسها، المواصلات العامة أسرع وأوفر بكتير.
السفر من لندن لمدن تانية قريبة
موقع لندن بيخليها نقطة انطلاق مثالية لمدن تانية. القطار السريع يوصلك لأوكسفورد في ساعة، لكامبريدج في 50 دقيقة، وليفربول أو مانشستر في حوالي ساعتين. كمان فيه قطارات الـ Eurostar من محطة St Pancras اللي بتوصلك لباريس وبروكسل في حوالي ساعتين ونص.
الإقامة في لندن
لندن مدينة ضخمة ومتنوعة جدًا، واختيار منطقة السكن بيأثر على تجربتك بشكل كبير. سواء بتحب تكون في قلب الأحداث وسط المعالم، أو عايز جو راقي وهادئ، أو حتى بتدور على اختيارات اقتصادية، أكيد هتلاقي اللي يناسبك.
مركز المدينة (West End & Covent Garden)
لو نفسك تكون قريب من المسارح، المتاحف، وساحات زي Trafalgar Square، يبقى West End وCovent Garden هما أنسب مكان. المناطق دي مليانة فنادق من كل المستويات، وهتخليك في قلب النشاط السياحي.
أحياء راقية وهادية زي Kensington وChelsea
المناطق دي مشهورة بشوارعها الراقية، المتاحف الكبيرة زي Natural History Museum، وحدائق جميلة. مثالية للعائلات أو للي بيدوروا على رفاهية وهدوء في نفس الوقت، مع فنادق 4 و5 نجوم.
مناطق اقتصادية زي Camden وShoreditch
لو مسافر بميزانية محدودة أو بتحب الأجواء الشبابية، Camden وShoreditch اختيارات ممتازة. هتلاقي فيها هوستلات وفنادق صغيرة بأسعار مناسبة، وكمان أحياء مليانة جداريات، مطاعم متنوعة، وحياة ليلية مبهجة.
شوية معلومات قبل رحلتك للندن
قبل ما تطير للندن، في شوية تفاصيل أساسية هتسهل رحلتك وتخليها أمتع. جمعنالك أهم المعلومات اللي أي مسافر محتاج يعرفها، مع روابط لو حابب تدخل في تفاصيل أكتر.
الفيزا والدخول
متطلبات الفيزا لبريطانيا (لندن) بتختلف حسب جنسيتك ونوع الفيزا. وبتختلف كمان حسب سنك وحسب مدة إقامتك. الأفضل تتابع آخر التحديثات من خلال الموقع الرسمي للحكومة البريطانية اللي هيوافيك بكل التفاصيل الرسمية. كمان تقدر تراجع صفحة الفيزا على موقع بيجاسوس بحيث هيوفرلك اقتراحات مناسبة وإرشادات عامة خاصة بالسفر إلى لندن، وإضافة لكده تابع موقع بيجاسوس الإرشادي Timatic عشان تسهل على نفسك حاجات كتير قبل السفر.
ميزانيتك في لندن
لندن من المدن الغالية نسبيًا. وجبة في مطعم متوسط حوالي 15–25 باوند، وكوباية قهوة 3–4 باوند. ولو وجبة في مطعم متوسط (زي برجر مع سايد ومشروب) تبقى في حدود 20 لـ25 باوند. ولو حابب توفّر، السوبرماركت فيه سندويتشات وسناكس جاهزة من 3 لـ5 باوند. وفيه محلات بيع أكل حلال منتشرة في المدينة بأسعار كويسة. الفنادق 3 نجوم أسعارها من 90–120 باوند في الليلة. المواصلات العامة مكلفة شوية، لكن كارت Oyster Card أو التذاكر اليومية بتوفر كتير. الدفع بالكروت البنكية منتشر جدًا، بس برضه يفضل يبقى معاك شوية كاش.
نصائح قبل السفر إلى لندن
العملة الرسمية الجنيه الإسترليني (£). الربيع (مارس–مايو) والخريف (سبتمبر–أكتوبر) أنسب أوقات للزيارة بجو معتدل وأماكن أقل زحمة. الصيف بيكون مزدحم، والشتا برد وممطر. وسط لندن آمن نسبيًا، لكن خد بالك من متعلقاتك في الأماكن المزدحمة ومحطات المترو. الإنجليزي هو اللغة الرسمية، والتواصل مش هيكون صعب حتى لو لهجة أهل لندن مختلفة.
الطقس في لندن
الجو في لندن شبه شخص مزاجي… عمره ما بيقولك هو ناوي على إيه! ممكن تصحى على شمس خفيفة وسماء صافية، وبعد نص ساعة تلاقي الدنيا مطرت فجأة، وبعدين تلاقي قوس قزح طالع بيضحكلك من السما. الجو في لندن معروف إنه متقلب. المطر ممكن ينزل في أي وقت، حتى في الصيف، فالأفضل يبقى معاك شمسية أو جاكيت خفيف ضد المطر. الصيف دافي نسبيًا (20–25 درجة)، والشتا بارد ورطب (5–8 درجات).
أرقام تهمك
● كود الدولة (المملكة المتحدة): +44
● كود مدينة لندن: 20
● رقم الطوارئ (شرطة/إسعاف/مطافي): 112 أو 999
● رقم مطار ستانستد (STN): +44 808 169 7031
مطار لندن ستانستيد (STN)
مطار لندن ستانستيد (STN) يُعد واحدًا من أهم مطارات العاصمة البريطانية، ويقع على بُعد حوالي 64 كيلومترًا من وسط لندن، حيث يخدم ملايين الركاب سنويًا وخاصة رحلات الطيران الاقتصادي، مما يجعله بوابة مميزة للوصول إلى المدينة من أوروبا وباقي أنحاء العالم. يتميز المطار بتوفير كل ما يحتاجه المسافر من خدمات أساسية وترفيهية، إذ يضم مطاعم وكافيهات متنوعة تشمل سلاسل عالمية وأكلات سريعة ومحلية، إلى جانب محلات السوق الحرة التي تعرض العطور والهدايا والأزياء. كما تتوفر مكاتب صرافة وماكينات ATM لتبديل الأموال أو السحب النقدي، ومواقف سيارات واسعة للمدد القصيرة والطويلة متصلة مباشرة بالصالات. ويحتوي المطار أيضًا على صالات VIP واستراحات مجهزة بالواي فاي والمأكولات والمشروبات، إضافة إلى خدمات مخصصة لذوي الاحتياجات الخاصة مع ممرات تسهّل التنقل. وللعائلات، هناك أماكن مخصصة للأطفال وصالات انتظار عائلية، فضلًا عن مكاتب لتأجير السيارات داخل المطار، بالإضافة إلى خدمة واي فاي مجانية متاحة في جميع الصالات وكمان فيه أماكن مخصصة للحيوانات الأليفة.
تعمل ايه في لندن؟
أماكن لازم تزورها في لندن
لندن مدينة عريقة وغنية بالتاريخ والثقافة، وكل معلم فيها ليه طابع خاص. من القصور الملكية للمتاحف المجانية والساحات المشهورة، هتلاقي كل زاوية بتحكي جزء من حكاية العاصمة البريطانية. ومن أبرز الأماكن اللي تستاهل الزيارة:
● ساعة بيج بن (Big Ben)
● قصر باكنجهام (Buckingham Palace)
● جسر البرج (Tower Bridge)
● برج لندن (Tower of London)
● المتحف البريطاني (British Museum)
● كاتدرائية سانت بول (St. Paul’s Cathedral)
● هايد بارك (Hyde Park)
● ساحة ترافالغار (Trafalgar Square)
أنشطة لازم تجربها في لندن
لندن ليست مجرد مدينة تاريخية، بل هي أيضًا مدينة نابضة بالحياة مليئة بالأنشطة التي تناسب جميع الأذواق، حيث يمكنك كل يوم أن تعيش تجربة جديدة ما بين التسوق والعروض الموسيقية والمسرحيات. يمكنك حضور عرض مسرحي في منطقة ويست إند (West End)، أو القيام بجولة نهرية في نهر التايمز لمشاهدة المدينة من منظور مختلف. ولا تفوت فرصة التسوق من شارع أوكسفورد ستريت أو أسواق كامدن الشهيرة، أو الجلوس في مقهى تقليدي وتجربة شاي العصر الإنجليزي. كما يمكنك القيام بجولة بالحافلات الحمراء ذات الطابقين (Double-Decker Bus Tour) بين أبرز معالم لندن، وزيارة سوق بورو (Borough Market) لتذوق المأكولات المحلية والعالمية. أما شوارع سوهو (Soho) فستمنحك أجواء مليئة بالحياة الليلية والمطاعم المتنوعة التي تضيف لمسة خاصة إلى رحلتك.
